පාළු අහස යට
අදුරු සැදෑවක
ඔබේ දෙනෙත්
මතකෙට නැගුනා...
සීතල සුළඟත්
වැහිබර අහසත්
ඔබදුටු මුල්දින
මතක් කලා...
එම අහසම අද
දුක්බර විලසින්
අදුරු වෙලා
ඔබෙ රුව ඇදුනා...
ඉදහිට වැටෙනා
මේ පොද වැස්සට
ඔබ මෙන් මා වත්
මග හැරුනා...
- නිරෝෂ් මෛත්රි -
2012/04/24
Latest Posts | Latest posts from our site.
Tuesday, April 24, 2012
පොද වැස්ස
පාළු අහස යට
අදුරු සැදෑවක
ඔබේ දෙනෙත්
මතකෙට නැගුනා...
සීතල සුළඟත්
වැහිබර අහසත්
ඔබදුටු මුල්දින
මතක් කලා...
එම අහසම අද
දුක්බර විලසින්
අදුරු වෙලා
ඔබෙ රුව ඇදුනා...
ඉදහිට වැටෙනා
මේ පොද වැස්සට
ඔබ මෙන් මා වත්
මග හැරුනා...
- නිරෝෂ් මෛත්රි -
2012/04/24
Saturday, April 21, 2012
තටු කැපූ අප හෙවත් දුම්රියපොළේ කවි
දළුලා වැඩෙයි
අතු රිකිළි අතර
වියැකෙන්නට
වෙරදරන
ඔබට ඇති
ආදරය...
පිණි බිදුවක
හිම කැටයක
සිනිදුබව නොරැදුන
කටුක වූ
අපෙ ආදරය...
පියාපත් විදා
දුර අහසේ
පාවෙන්නට
හිත්ලද්දි
උපතින්ම තටු
අහිමි ආදරය...
කිසිදිනක එක් නොවන
සමාන්තර ඉරිදෙකකි
ඔබ තැනක
මා තැනෙක
ආදරය...
- නිරෝෂ් මෛති්ර -
2012/04/10
අදටත් නෙතට උළෙල
හද ඉස්මත්තේ
පාළු පෙදෙසක
ගැඹුරු අගාධෙක
වළලා.. පස්දා..
නිමාකල සෙනෙහෙ
සුගන්ධයෙන්,
නැවතත් ඇසිපිය
බොදකළ මොහොතක,
ඔබවම පෙනිලා
නොපෙනී යා නම්...
සිහින ලොවක හිද
දඟකල සිතිවිලි..
මිරිගුව දැක දැක
අපමැවු හසරැලි..
නොලැබෙන බව දැන
හීන මාළිගා
දියවී ඇදුනා
වෙරළේ දියරැළි...
වසින්නෙ නැහැ
මල් වරුසා අප හට..
මල් පියවිළි පෑගෙන්නෑ
අප දෙපයට..
නාදුනනා පෙම් යුවලක්
විලසින්
යළි අප හමුවූයේ ඇයි
මේ විලසට...
- නිරෝෂ් මෛතී්ර
-2012/03/27-
Friday, January 13, 2012
හිස් බව
ශීර්ෂයට ඇති
එකම සෙවන
තම අත බව
වැටහුනේ
ලෙඩ ඇදේ ඉන්නාවිට
වතේ දූලි කැබැල්ලත්
ඇස් අග කබ කැබැල්ලත්
මුව අග ඉදුලුත්
මටම හිනැහෙනවා
උනුත්...
ඉදහිට හමන සුළගත්
අද ගෙනෙන්නේ
මූසල පුසුඹක්..
තටුවක් කැඩුණ සමනලයෙක්
උරයි රොන්
ප්ලාස්ටික් මලකින්
වෙනදා සුව ගෙනාව
මදුරු දැලද
හිසරදයක්,
රැහැයියන්ගේ විලාපය
උන්නම් ගාන්ධරවයින්
ඉදහිට වැටෙන වැස්ස
මවයි දුරාතීතය
ඇස් කෙවෙනි යට,
බෙලි කටුවක හිස් "හෝ" හඩ
රැව් නැගෙයි මා තුළ
ඇති හිස් බව...
- නිරෝෂ් මෛති්ර -
ඇසු හොදම ස්තූති කතාව හෙවත් මනුෂ්යත්වය අප්පිරියා කිරීම
පසු:
අළු අහස දින ගණන්
දහසකුත් වේදනා විද
බක්මහේ අකුණු මැද
වැස්සා සොදුරු
මල් වැස්සක්...
මල් වැස්ස
හරි හැඩයි...
මල් වැස්ස
පියකරුයි...
මල් වැස්සෙ ගුණ වයන්න
දාහකුත් එකක් සෙනග
පෙර:
අළු අහස දුක්බරයි
අළු අහස දුර්වලයි
කේඩෑරි රළු පොළව
උන්දැව රැවැටූ හැඩයි
අළු අහස
හූල්ල හූල්ලා
ඇඩූ හැටි
දන්නෙ
වළාකුලක්
දෙකක්..
මල් වැස්ස අත ළගයි
අළු අහස දුර්වලයි
ගතේ දා පිසින්නට
වළාකුළු වින්දේ අපමණ දුකක්
අද:
මල් වැස්ස හරි හැඩයි
මල් වැස්ස පියකරුයි
"උඹ වැස්සෙ මම නිසයි
අපව රැකුවේ එකයි"
කියා අළු අහස මල් වැස්සට
පෙන්වයි
එකම වළාකුලක්....
" උඹට දැන් සනීපද?
තව උනා මදි නේද?
දෙමව්පියන්ටවත් උඹ
කලාද ඔහොම?
දැන් බඩ කපං
මැරියං... "
සිනාසෙයි මුවින් නොව
අන් අන් සියලු
තැන් වලින්
දාහකුත් එකක් වළාකුලු
නිල් අහස ගුගුරවා
එකම එක
වළාකුළකට...
- නිරෝෂ් මෛති්ර -
2011/12/18
Subscribe to:
Comments (Atom)
Popular Posts
-
ශීර්ෂයට ඇති එකම සෙවන තම අත බව වැටහුනේ ලෙඩ ඇදේ ඉන්නාවිට වතේ දූලි කැබැල්ලත් ඇස් අග කබ කැබැල්ලත් මුව අග ඉදුලුත් මටම හිනැහෙනවා උනුත්... ඉදහිට ... -
ඔබත් මමත් දැක විකසිත කුසුමන් දැන් දුක්බර ලෙස මිලින වෙලා... එදා ගංදියත් මුදු මද පවනත් අප නොමැතිව ඇත ගොළුවීලා... මල් උයනේ තුරු ලතා මඩුලු යට ගෙ... -
පාළු අහස යට අදුරු සැදෑවක ඔබේ දෙනෙත් මතකෙට නැගුනා... සීතල සුළඟත් වැහිබර අහසත් ඔබදුටු මුල්දින මතක් කලා... එම අහසම අද දුක්බර විලස... -
පසු: අළු අහස දින ගණන් දහසකුත් වේදනා විද බක්මහේ අකුණු මැද වැස්සා සොදුරු මල් වැස්සක්... මල් වැස්ස හරි හැඩයි... මල් වැස්ස පියකරුයි... මල් වැස්... -
නුඹ හෙට මාව බලන්න එන්නත් පුලුවන් නොඑන්නත් පුලුවන්... ඒත් නුඹ එනතෙක් දෑගිලි ගනිමින් මග බලාන ඉන්න එක නතර කරන්න නුඹට පුලුවන්ද... නුඹ ඉස්සරහ දවස... -
සිහිනයක් උනා ඔබ මට පියවි ලොවේදි හිමි නොවන මිරිගුවක් උනා ඔබ මට ළංවන විට දුර ඇදෙන... ආදරේ කලේ ඔබට සදා කල් ඔබ මගෙ වන්න හිමිනැතත් ඔයා මට වෙනසක් ... -
ආදරෙයි ඔබට මම තවම කුමක් කලත් ඔබ මා හට මම ජීවත්වෙන්නෙ ඔබ නිසාම කුමක් වුවත් මගෙ ජීවිතයට... හිතන්නට බැහැ මට ඔබ නොමැති බව මා ළග ඔබට පම... -
සුළඟ සුළි ලයි කණට කොඳුරයි ඉකිබිඳියි කඳු, නිවස සහ වනය පයින් රුක් එකලා ව නොව එක් වන් ව නිමක් නැති දිගන්තය සමග තෙරක් සොයමින් ඇදෙන ඔරු කඳන් සේ ... -
නටන්නට වන්නම් මට පෙන්වූ මුලා දෑසට කටුවකින් නොඇන නටන්නෙමි මං වන්නම්.. දොඩන්නට පෙම්බස් මට කිවියෙකු වූ ඔබේ මුවගට විෂ හාදුවක් නොතබා දොඩන්නෙමි මං... -
පින්න තවරා පිච්ච පෙති අග සුපෙම් සඳවත පිපෙයි හිනැහී නින්ද ළඟනෑ ඈතකය නුඹ සිතින් ඔය සුදු කොපුල් සිඹිමි ඉන්න හැකිනම් පාළු හිත ළඟ ආදරේ මහ හුගක් ප...
