පොද වැස්ස

පාළු අහස යට
අදුරු සැදෑවක
ඔබේ දෙනෙත්
මතකෙට නැගුනා...
සීතල සුළඟත්
වැහිබර අහසත්
ඔබදුටු මුල්දින
මතක් කලා...


එම අහසම අද
දුක්බර විලසින්
අදුරු වෙලා
ඔබෙ රුව ඇදුනා...
ඉදහිට වැටෙනා
මේ පොද වැස්සට
ඔබ මෙන් මා වත්
මග හැරුනා...


- නිරෝෂ් මෛත‍්‍රි -
2012/04/24

Read Post

තටු කැපූ අප හෙවත් දුම්රියපොළේ කවි

දළුලා වැඩෙයි
අතු රිකිළි අතර
වියැකෙන්නට
වෙරදරන
ඔබට ඇති
ආදරය...



පිණි බිදුවක
හිම කැටයක
සිනිදුබව නොරැදුන
කටුක වූ
අපෙ ආදරය...


පියාපත් විදා
දුර අහසේ
පාවෙන්නට
හිත්ලද්දි
උපතින්ම තටු
අහිමි ආදරය...


කිසිදිනක එක් නොවන
සමාන්තර ඉරිදෙකකි
ඔබ තැනක
මා තැනෙක
ආදරය...


- නිරෝෂ් මෛති‍්‍ර -
2012/04/10

Read Post

අදටත් නෙතට උළෙල

හද ඉස්මත්තේ
පාළු පෙදෙසක
ගැඹුරු අගාධෙක
වළලා.. පස්දා..
නිමාකල සෙනෙහෙ
සුගන්ධයෙන්,
නැවතත් ඇසිපිය
බොදකළ මොහොතක,
ඔබවම පෙනිලා
නොපෙනී යා නම්...


සිහින ලොවක හිද
දඟකල සිතිවිලි..
මිරිගුව දැක දැක
අපමැවු හසරැලි..
නොලැබෙන බව දැන
හීන මාළිගා
දියවී ඇදුනා
වෙරළේ දියරැළි...



වසින්නෙ නැහැ
මල් වරුසා අප හට..
මල් පියවිළි පෑගෙන්නෑ
අප දෙපයට..
නාදුනනා පෙම් යුවලක්
විලසින්
යළි අප හමුවූයේ ඇයි
මේ විලසට...


- නිරෝෂ් මෛතී‍්‍ර
-2012/03/27-

Read Post

හිස් බව

ශීර්ෂයට ඇති
එකම සෙවන
තම අත බව
වැටහුනේ
ලෙඩ ඇදේ ඉන්නාවිට



වතේ දූලි කැබැල්ලත්
ඇස් අග කබ කැබැල්ලත්
මුව අග ඉදුලුත්
මටම හිනැහෙනවා
උනුත්...



ඉදහිට හමන සුළගත්
අද ගෙනෙන්නේ
මූසල පුසුඹක්..
තටුවක් කැඩුණ සමනලයෙක්
උරයි රොන්
ප්ලාස්ටික් මලකින්



වෙනදා සුව ගෙනාව
මදුරු දැලද
හිසරදයක්,
රැහැයියන්ගේ විලාපය
උන්නම් ගාන්ධරවයින්



ඉදහිට වැටෙන වැස්ස
මවයි දුරාතීතය
ඇස් කෙවෙනි යට,
බෙලි කටුවක හිස් "හෝ" හඩ
රැව් නැගෙයි මා තුළ
ඇති හිස් බව...


- නිරෝෂ් මෛති‍්‍ර -

Read Post

ඇසු හොදම ස්තූති කතාව හෙවත් මනුෂ්‍යත්වය අප්පිරියා කිරීම

පසු:

අළු අහස දින ගණන්
දහසකුත් වේදනා විද
බක්මහේ අකුණු මැද
වැස්සා සොදුරු
මල් වැස්සක්...



මල් වැස්ස
හරි හැඩයි...
මල් වැස්ස
පියකරුයි...
මල් වැස්සෙ ගුණ වයන්න
දාහකුත් එකක් සෙනග



පෙර:

අළු අහස දුක්බරයි
අළු අහස දුර්වලයි
කේඩෑරි රළු පොළව
උන්දැව රැවැටූ හැඩයි


අළු අහස
හූල්ල හූල්ලා
ඇඩූ හැටි
දන්නෙ
වළාකුලක්
දෙකක්..


මල් වැස්ස අත ළගයි
අළු අහස දුර්වලයි
ගතේ දා පිසින්නට
වළාකුළු වින්දේ අපමණ දුකක්



අද:

මල් වැස්ස හරි හැඩයි
මල් වැස්ස පියකරුයි
"උඹ වැස්සෙ මම නිසයි
අපව රැකුවේ එකයි"
කියා අළු අහස මල් වැස්සට
පෙන්වයි
එකම වළාකුලක්....



" උඹට දැන් සනීපද?
තව උනා මදි නේද?
දෙමව්පියන්ටවත් උඹ
කලාද ඔහොම?
දැන් බඩ කපං
මැරියං... "



සිනාසෙයි මුවින් නොව
අන් අන් සියලු
තැන් වලින්
දාහකුත් එකක් වළාකුලු
නිල් අහස ගුගුරවා
එකම එක
වළාකුළකට...



- නිරෝෂ් මෛති‍්‍ර -
2011/12/18

Read Post

විෂඝෝර පෙම්වතාට

නටන්නට වන්නම් මට
පෙන්වූ මුලා දෑසට
කටුවකින් නොඇන
නටන්නෙමි මං
වන්නම්..


දොඩන්නට පෙම්බස් මට
කිවියෙකු වූ ඔබේ මුවගට
විෂ හාදුවක් නොතබා
දොඩන්නෙමි මං
නැවුම් පෙම් බස්..


අසන්නට හද ගැහෙන
රාවයක් මට
එදා හද නොවෙයි
උසස් හදකින්
ඔබේ හද සිදුරු කර
අසන්නෙමි මං
නිතර පද වැල්...



- නිරෝෂ් මෛති‍්‍ර-
(2012-01-02)

Read Post